इंस्टाग्राम, टिकटॉक वॉटरमार्क असलेल्या रील्सचा प्रचार करणार नाही.

इंस्टाग्राम वापरकर्ते टिकटॉक व्हिडिओं पोस्ट करू शकणार  नाहीत. इंस्टाग्राम ॲपने म्हटले की ते रीलमधे टिकटॉक वॉटरमार्क असणाऱ्या व्हिडिओंना प्रोत्साहन देणार नाही. 

भारतात टिकटोकला बंदी घातल्यानंतर बऱ्याच वापरकर्त्यांनी त्यांचे टिकटोक व्हिडिओ इंस्टाग्रामवर अपलोड केले. जरी व्हिडिओचे स्वरूप सारखे असले, तरीही त्यावर टीकटोक असलेले व्हिडिओ इंस्टाग्रामवर मोठ्या संख्येने पाहिले गेले.

इंस्टाग्रामने म्हटले आहे की ते त्याच्या अल्गोरिदममध्ये बदल करीत आहे. सोशल मीडिया कंपनीची अशी इच्छा आहे की वापरकर्त्यांनी टिकटोकचे जुने व्हिडिओ पुन्हा वापरण्याऐवजी व्हर्टिकल स्वरूपात अपलोड करावे.

इंस्टाग्रामने म्हटले आहे की, ते हे व्हिडिओ काढणार नाहीत परंतु फीडवर त्याचा प्रचार थांबवतील. जरी पोस्ट दिसत असली, तरीही ते अ‍ॅपच्या फीडवर दिसणार नाही. “रील्स टॅबसारख्या ठिकाणी मजेदार आणि मनोरंजक व्हिडिओंची शिफारस करण्यासाठी आणि अनुभव वैयक्तिकृत करण्यासाठी आम्ही एक्सप्लोररकडून शिकलेल्या गोष्टींवर जास्त लक्ष देत आहोत."

रील्स आणि टिकटोक या दोन्हीचे समान स्वरूप लक्षात घेता, वापरकर्त्यांना दोन्ही प्लॅटफॉर्मवर समान व्हिडिओ वापरणे सोयीचे वाटले. तथापि, एकदा टिकटोकवर व्हिडिओ अपलोड झाल्यानंतर तो वॉटरमार्कसह प्रकाशित होतो. तोच व्हिडिओ रील्सवर प्रसिद्ध झाल्यावर त्याची जाहिरात केली जाऊ शकत नाही.

टिकटोक किंवा इतर कोणत्याही व्यासपीठावरची गाणी नव्हे तर इंस्टाग्राम म्युझिक लायब्ररीमध्ये उपलब्ध असलेल्या गाण्यांचा उपयोग करून रीलसाठी नवीन व्हिडिओ तयार करावे अशी कंपनीची इच्छा आहे.

इंस्टाग्रामने या फीचरवर काम केल्याची पुष्टी केली असली तरी हे फिचर कधी सुरू होईल हे उघड झाले नाही. असेही म्हंटले जात आहे की, फोटोज् पेक्षा जास्त प्राधान्य व्हिडिओला दिले जाईल.